المقادير
بطه
البصل المبشور او المقطع خشن - حسب الرغبه
ملعقه صغيره كمون لان الكتير منه يجعل البصل - مر
فلفل وملح وشويه زيت مستكه وحبهان وورق الغار
الطريقه
نغسل البطه كويس من الداخل والخارج ونغسلها بالملح والدقيق والماء - علشان تبقى ريحتها مقبوله
نضع ماء على النار يكفى لسلق البطه
البصل + الكموت + الفلفل + ملعقه صغيره ملح وشويه زيت وندعكهم مع بعض
ونحشى البطوطه بيها وبعدين نبدأ بأستعمال - الخله بتاعه الاسنان ونقفل الفتحه اسفل البطه
نحاول نتبل البطه من الخارج بالخلطه السابق
عند غليات الماء نضع البطه على وجهها فى الماء لتبدأ رحله التعذيب الى انتنضج
نضع ورق الغار فى الماء وشويه ملح صغيرين ولانكتر الملح الا عند نضوج البطه لكى تستمر فى النضج
نضع الباقه المعطره زى قشره صغيره من قشر الليمون والزعتر الاخضر والقرنفل والقرفه وهذا الاشياء تربط مع بعضها بخيط او توضع فى شاشه لتسهل عمليه انتشالها بعد اداء المهمه
وهذه الباقه فى حاله استخدام الشوربه للشراب فقط اما عندما نستخدمها للملوخيه فلا نضع شىء غير ورق الغار
وهذا لكى لاتتغير نكه الملوخيه اللى احنا متعودين على طعمها
نتأكد من نضج البطه عندما يفصل لحم الورك نوعا ما
ننشل البطه وننشل الباقه المعطره نقسم الشوربه للارز وجزء للشوربه
ونبدأ بتشويح الشوربه بالمستكه والجبهان بقليل من الزبده
نضع الجبهان والمستكه وبعدين لما تسخن نضع الشوربه وده بيبق رائحته جميله
ندهن البطه بالليمون والفلفل والملح
ونضعها تحت الشوايه
وبالهنا والشفا
تعليقات
إرسال تعليق