خلطة أيتون

Posted by Amira Fayed on 4:03 PM with No comments


خلطة أيتون دي من أشهر الحلويات اللي بتتقدم في واحد من أرقى مطاعم دبي
حلو صيفي بامتياز و جميل أوي و سهل كمان

المقادير

المارينج

عدد 4 بياض بيض
و 5 ملاعق كبار سكر
رشة ملح
نص لتر أيس كريم فانيليا

صوص الفراولة

مقدار 200 جرام فراوله مجمدة
و 150 جرام سكر باودر
و200 جرام فراوله طازه متقطعه أرباع


الطريقه

اولا المارينج

نضرب بياض البيض بالمضرب مع رشة الملح لحد
أما بيقى رغوة و يتضاعف حجمه بعدين نضيف السكر بالتدريج
نجهز صينية و نحط عليها ورق بارشمان
أو ورق زبده (((مهم جدا ))) بعدين نشكله على صوابع طويله
و نخبزه في فرن درجة حرارته 100 لمدة 40 دقيقة لحد لما ينشف كويس
بعدين نطلعه و نسيبه لحد اما يبرد و ناخد واحده و نكسرها
ولو لقيناها بتتفتفت بسرعه و بقت زي الرمل يبقى كدا هي تمام

ثانيا : صوص الفراوله

نحط الفراوله على بعد ما تفك على نار هادية و نحط عليها السكر
ونسيبها لحد لما تغلي لمدة ربع ساعه بعدين نهرسها بالخلاط
بعدين في كل كوبايه نحط بولتين أيس كريم و شوية فراوله طازه
ونرش عليها شويه من الصوص بعد ما يبرد طبعا
ونحط قطعتين من المارينج