♥ ♥ Body Care Tips ♥ ♥

Posted by Amira Fayed on 5:22 PM with No comments

ازاى تعتنى بقدميكى
النهاردة حنتكلم عن القدمين لانها جزء مهم جدا من جسمك
لازم تعتنى بيه و يكون صحى و ناعم و مرتاح
و حديكم النهاردة شوية نصايح و خطوات علشان توصلى لدة

و خصوصا ان فى الشتا رجليكى بتجف و تبتدى تشقق ومش تعرفى من ايه
وفى الصيف كمان من الحر والرطوبة العالية كل دة بياثر على رجليكى و جمالهم

و غير كدة الاعتناء بالقدمين بتحميكى وتحميهم من اى عدوى او اى فيروسات موجودة فى الارض
ممكن تسبب اى مرض نتيجة ان الجلد جاف و متشقق
ودة بيساعد على حدوث عدوى او اى التهابات فى رجليكى انتى فى غنى عنها
واحسن حاجة ممكن تخلى رجليى ناعمة وتحميهم من التشقق باسرع طريقة هى الحجر او مبرد القدمين
ممكن تدعكى رجليكى بيهم و انتى بتاخدى الشاور بتاعك فتكون رجليكى جلدها طرى من المية
وفيكون اسهل انك تتخلصى من الجلد الميت و اى خشونة فى القدمين
من غير ما تتسببى فى اى حرج او الم لرجليكى لو كانوا جلدهم ناشف اوى من السقعة مثلا

او ممكن بعد يوم شغل متعب تحطى رجليكى فى ماية دافيه شوية
وممكن تضيفى شوية زيت زتون على المية علشان تطرى الجلد و تغزية فى نفس الوقت
و بعد شوية تطلعى رجل منها و تنشفيها بفوطة
وتبدئى بمبرد القدم انك تدليكى القدم بالراحة و خصوصا منطقة الكعب
لانها اكتر منطقة بيكون فيها جلد ميت او خشونة
و تدعكى رجلك بيها شوية بالراحة
وبعد كدة تحطيها فى الميه الدافية تانى
وتعملى نفس الحكاية فى الرجل التانية
و خلى بالك ان رجلك مش حتبقى ناعمة من اول مرة
لازم تعمليها كل يوم وحتشوفى بنفسك كل يوم ان رجلك بتبقى انعم
واحلى و مش تعمليها كلها فى جلسة واحدة لان دة ممكن يجرح رجلك
و افضل حاجة تحمى بيها رجليكى وخصوصا فى الشتا
انك تلبسى شراب دايما مع الشوز لان دة بيحمى رجليكى و بيخليها دايما ناعمة

دلوقتى حنروح للظوافر

افضل حاجة انك تقصى بيها ظوافر رجليكى هى مقص الظوافر الصغير الخاص بيها او بقصافة صغيرة مش كبيرة
او ممكن تستخدمى مقص اظافر اطفال بيكون حنين اوى على ظوافرك و رجليكى
ودايما قصى ظوافر رجليكى و هم طراى من المية و اوعى تقصيهم وهم جافيين
لان دة ممكن يعمل عدوى من اى حاجة او اى ميكروب موجود فى الدنيا حوالينا
و بعد كدة ممكن تحطى عليها زيت زيت شاى اخضر او زيت زيتون او فى زيوت متخصصة للظوافر للعناية بيها و تغزيتها

وبعد الانتهاء من القدم و الاظافر
استخدمى كريم خاص للقدمين للتغذية والترطيب علشان يحافظ على نعومة و جمال رجليكى

حاولى تخلى دة روتين يومى للعناية بالقدم
ومش حياخد منك اكتر من 5 او عشر دقايق وبالاستمرار حتتعودى عليه

ولو كان دة روتينك فى الصباح
ممكن تحطى مرطب خفيف على رجليكى لتطريبهم وحمايتهم من الجو والشمس فى الصيف
ولو كان روتينك بالليل ممكن تستخدمى كريمات تقيلة نوعا او زيوت لتغذية الدمين و دى كتير اوى
و بعد كدة ممكن تلبسى شراب او كيس خاص لرجليكى
وتخليه طول الليل و دة حيساعد على نعومة رجليكى و جمالهم على طول

و افتكرى دايما ان كل حته فيكى ليها جمالها الخاص ولازم تعتنى بيها حتى لو مش بتبان منك
لانك جميلة و لازم تكونى دايما جميلة :)