عدد 5 بيضات
فانيليا
كوب سكر بودرة
كوب دقيق
معلقتين كاكاو خام كبار
ملعقة كبيرة بكنج بودر
علبة كمبوت خوخ انصاف
و6 اكياس كريم شانتيه - انا استخدمت دريم ويب
او ممكن علبة كريمة خفق 500 جم ونضربها مع كوب ونص سكر بودرة
شيكولاتة خام مبشورة
الطريقة
اولا الكيكة الاسفنجية
نضرب السكر مع البيض لحد ما يبقوا زى الكريمة
وبعدين ننخل الدقيقوالكاكاو والبكنج بودر
ونضيفهم على البيض والسكر بالتدريج ونقلب برفق بالمعلقة
و نكون مسخنين الفرن
وندهن الصينية مقاس 26 او 24 بالزبدة ونرش عليها كاكاو بدل الدقيق
عشان تدى اللون الغامق الحلو او ممكن بدل الكاكاو
نحط ورق زبدة بس ندهنه بالزبدة برده
ونحطها 40 دقيقة فى فرن متوسط 180 درجة ونسيبها تبرد
والاحسن نعملها قبلها بليلة ونقسمها من النص وممكن نقسمها 3 وحدات
ونسقيها بالشراب الموجود فى علبة الخوخ بالفرشة يعنى
ما نغرقهاش يادوب بس نرشها بيه وبعدين نحشيها بالكريمة من النص
ونحط عليها كمبوت الخوخ ونحط طبقة الكيك التانية
وبعدين نغطى الكيكة بالكريمة وبعدين اجيب الخوخ
واشكله على شكل قلوب بالقطاعات وازوقها بالكريمة
ومن الجنب اغطيها بالشيكولاتة المبشورة
وبالهنا
تعليقات
إرسال تعليق