نصائح لضمان نجاح الكنافة

بمناسبة شهر رمضان الكريم هقدم لحضراتكم اهم النصائح والاسباب لنجاح الكنافه بالتفصيل

( الكنافه )
بالنسبه للكنافه اى نوع ممكن نستخدمه طبعا كنافه
حتى لو نوعية الكنافه مش كويسه ما فى مشكله
المهم ما تكنش متماسكه كتله واحده
لانها لو متماسكه كتله واحده تبقى مش كنافه

(السمنه )
هناك انواع كتير من السمنه ويستحسن تكون سمن بلدى
او اى نوع تفضليه ما فى مشكله ولو ممكن كمان بالزيت

(سكر بودره وفانليا سائله)
من اهم الاشياء لان السكر بيخلى الكنافه بعد ما تستوى متماسكه
ولونها يكون ذهبى رائع والفانليا السائله
لما بتدخل الفرن بتذيد ريحتها وبتكون الكنافه لها رائحه ممتاااااازه

( كريم الحشو)
طريقته مثل المهلبيه ويستحسن لا نضيف له السكر
حتى لا تصبح الكنافه ثقيله على المعده
لكل كيلو حليب 70 جرام نشا
لما يغلى الحليب ندوب النشا فى كوب ماء
ونضيفه للحليب مع التقليب جيدا وتترك لتبرد
قبل ما نقوم بحشو الكنافه بيها نضيف قليل من السمنه السايحه
هتعطيها طعم حلو وتجعلها ناعمه اثناء الاكل

(الشربات او الشيره او القطر)
شربات الكنافه بيكون اتقل من شربات البسبوسه
مقداره بيكون ..... كوب ماء+ كوب ونص سكر+ نص ليمونه مقطعه + نص معلقة فانليا
اهم شيء فى الشربات ان الشربات بعد الغليان بثلاث دقائق فقط تنزليه من على النار لسببين
اولا حتى لا يتغير لونه وطعمه مع الغليان الكتير
ثانيا لو غلى اكثر من الازم بيعمل حموضه فى المعده وحرقان بالصدر

(التقديم)
اثناء خروج الكنافه من الفرن بعد التسويه
هزى الصينيه علشان تحركى الكنافه
لو فى اى حاجه لذقه فى قاع الصينيه
وبعدين اسقيها بالشربات
ومش مهم الشربات ساخن او بارد ده كان زمان انما دلوقتى عادى
المهم انك ما تقلبيش الكنافه الا لما تتاكدى انها بردت تماما
وبسكينه لفى حول احرف الصينيه من الداخل قبل ما تقلبيها
ولما تقلبيها اصبرى عليها ما ترفعى الصينيه
الا لما تتاكدى انها نزلت على طبق التقديم
بالهنا والشفا