وصفه فلسطينية

زمن التحضير: 30
زمن الطهي: 30

المقادير

عدد 3 حبات بطاطا مقلية
و3 حبات باذنجان مقلي
حبة زهرة (قرنبيط)مقلية
و2 كوب ارز
ملعقة ملح
مكعبين ماجي
فلفل أسود وبهارات المقلوبة

الطريقة

بتقطعي البطاطا دوائر وبتقليها وكمان الباذنجان قطعيه دوائر والقرنبيط كمان
وبعد هيك بتجيبي بندورة قطعيها دوائر سميكة وحطيها بقاع الطنجرة بس ماتقليها
ولا شي خليها نية خلي قاع الطنجرة مايبين خليه كله بندورة
وبعدين حطي البطاطا المقلية فوق البندورة وحطي بعد هيك الباذنجان
وبعد هيك حطي القرنبيط وبعدين جيبي الارز
بعد ماتكوني ناقعاه حطيه فوق البطاطا والبندورة والباذنجان
وحطي فوقهم تقريبا 4 اكواب ماء او 4 اكواب رز ونص حسب الرغبة
وبعد هيك ملعقة ملح
ومكعبين الماجي
وعلي النار تحتهم وعند ماتغلي النار تحتهم وطيها
لحد مايتشرب الماء كلو
اذا حبيتي تعمليها مع دجاج بتسلقي الدجاج
وبتحمريه وبعد هيك بتحطي على المقلوبة
وتؤكل مع اللبن او السلطة

ملاحظة : في ناس ما بيستعملو البطاطا والبندورة
للزينة لوز