الفطير الحلو والحادق

Posted by Amira Fayed on 1:23 AM with No comments

المقادير

عدد 3 و 4\3 كوب دقيق - ثلاثة وثلاث أرباع
و2 إلا ربع كوب ماء
ملعقة صغيرة ملح

الطريـــقة

اهم شىء فى هذه العجينه هو طريقه عجنها او بمعنى اخر مده العجن
فهى تحتاج حوالى ربع ساعه بالعجانه او 45 دقيقه باليد فعلا تحتاج هذا الوقت
وبصراحه عجنتها بايدى كنت اعجن شويه واريح شويه اهم حاجه العجينه
علشان نتاكد انها اتعجنت كويس لازم لما نشدها تكون ناعمه وتتشد معانا مثل اللبانه - العلكه
يعنى تكون مطاطيه كما فى الصوره

شوفوا بتتشد ازاى من غير ما تتقطع


هنا تكون العجينه جاهزه نقوم بتقطيعا حوالى خمس قطع ونكورها
ونضعها فى طبق مدهون بالزيت ونمسح عليها بالزيت ايضا
ونتركها ترتاح حوالى ربع ساعه



بعد ذلك نفردها بالنشابه ويكون السطح مدهون بزيت ونحاول على قد ما نقدر نجعلها رقيقه



نضيف الحشوه ونبدا بطيها
أنا هنا الحشوة كانت بولقى فراخ عندى قطعتها
وحطيت عليها زيتون أسود حلقات ... معلقتين مايونيز ... ومعلقتين جبنة كاسات ممكن جبنة نستو
يعنى أى حاجة تخليها ملظلظة بالتعبير المصرى
وكمان أضفت عليها شرائح البسطرمة



ونطيها بالشكل ونغلقها من جميع الجوانب



وبعد ذلك ننقلها فى صينيه
وندخلها فرن حامى حوالى سبع دقائق لكل وجه

وبعدين نخرجها ونضع عليها بيضه وفلفل اخضر وطماطم وزيتون وجبنه مبشور


ونفتح عليها الشوايه من فوق حوالى خمس دقائق فقط وانتبهى الا تحترق



وتقدم



وهنا ممكن نحشيها نوتيلا ونزينها بالصوص الشيكولاتة والسكر البودر



ودى محشية مربى وقشطة وتزين بالسكر البودر والفراولة