للعجينه
عدد 3 كوب دقيق
كوب لبن بودره
و2 كوب ماء - ممكن 2.5 ماي علي حسب العجينه
و1/2 كوب زبده - تكون سايحه
و4 بيضه او تلاته مش مشكله
و2 ملعقه كبيرة بيكنج بورد
نص معلقه صغيرة خمرة - نص معلقه صغيرة فقط
ملعقه صغيرة سكر
ملعقه صغيرة ملح
كوب زبادي
مقادير الحشوة
زيتون
لحمه مفرومه
او اي حشوة انت عايزاها
جبنه مونزريلا
وشويه رومي لو مش موجوده مش مشكله
كاتشب
وصلصه فلفل اخضر
الطريقه
الاول نضرب البيض ورشه فلفل اسود لحد لما ينفش
وبعدين نحط الزبادي واللبن البورده والمايه والزبده
وياريت تكون الزبده سايحه والخميرة والبيكنج بودر
كل المكونات يعنى
وبعدين حطهم علي الدقيق وخلطهم كويس
وهتكون العجينه مش ماسكه هتكون سايله شويه
ونسيبها تخمر عشر دقايق مش اكتر
وبعدين نجيب قالب الكاب كيك
ونحط فيه ورق بلسيه لو مفيش ندهنه شويه زيت ودقيق
ومش نملاها اوي علشان بتنفش زي الكيك
وبعدين نحط الزيتون علي الوش
نغطسه في العجينه ياعني يبقي جوة الحشوة وممكن تسبيه علي الوش عادي
بس انا بحب طعمه في العجينه
وبعدين بخلط صلصه حمرا مع كاتشب بيدي طعم رووعه
وبعدين احطهم علي الوش
وبعدين الفلفل الاخضر
وبعدين اللحمه المفرومه المتعصجه
وبعدين الجبنه الموتزريلا
حطوا الجبنه قبل ما تخرجوها بخمس دقايق
معلومات لنجاح كب كيك البيتزا مهمه جدااااا
الاول يا بنات مش تسيبوا العجينه تخمر كتير علشان طعم الخميرة مش يبقي فيها
تاني حاجه اوعواااا تفتحوا عليها الفرن وهيا بتتخبر
لانها زي الكيكه لو اتفتح عليها بتهبط
ياعني مش تفتحوا غير بعد تلت ساعه ولا حاجه
يكون الفرن سخن من قبليها يعني تستوي في حرارة 200 وبعد عشر دقايق 160
ومش تفتحوا عليها لانها بتهبط
حطوا الجبنه قبل اخرجها بخمس دقايق
لان الجبنه شدت مني لما حطيتها في الاول بس الصنيه التانيه
حطيتها قبل ما تخرج وكانت جميله بجد
تعليقات
إرسال تعليق